சுதந்திர நாள் அன்று! யாழில் பட்டதாரி விரக்தியில் தற்கொலை!!

வேலை கிடைக்காமல் ஏற்பட்ட விரக்தி காரணமாக இளைஞர் ஒருவர் இலங்கையின் சுதந்திர நாளன்று உயிரிழந்த சம்பவம் செவ்வாய்க்கிழமை (4) பதிவானது.

தங்கவேல் விபுசன் (வயது 28), கைலாச பிள்ளையார் கோவிலடி பகுதியைச் சேர்ந்த இளைஞரே, இந்த மரணத்தை சந்தித்துள்ளார். இவர், பல்கலைக்கழகத்தில் பட்டப்படிப்பை நிறைவு செய்தவர் எனவும் தகவல் வெளியாகியுள்ளது. ஆனால், இரு வருடங்களுக்கு மேலாக வேலை கிடைக்காமல் அவதிப்பட்டு வந்த இவர், இறுதியில் தூக்கிட்டு உயிரிழந்துள்ளார்.

இலங்கை அரசின் அதிகமான பாராளுமன்ற உறுப்பினர் இலங்கை அரசுக்கு சாதகமாக இருந்தாலும், இந்த இளைஞர் போன்ற இளைஞர்களின் எதிர்காலம் மிகவும் ஒரு கேள்விக்குறியானதாகவே நகர்ந்து கொண்டு செல்கின்றது என்பதை இங்கே புலனாகிக் கொண்டே இருக்கின்றது.

இச்சம்பவம் தொடர்பாக திடீர் மரண விசாரணை அதிகாரி நமசிவாயம் ப்ரீம்குமார் வழக்குப்பதிவு செய்து, உடற்கூற்று பரிசோதனை மேற்கொண்டார். பரிசோதனையின் பின்னர், சடலம் இறந்தவரின் உறவினர்களுக்கு ஒப்படைக்கப்பட்டது.

இது போன்ற சம்பவங்கள், வேலைவாய்ப்பின்மை மற்றும் அதன் விளைவுகள் குறித்து பெரும்பாலான இளைஞர்கள் எதிர்நோக்கும் சவால்களைத் தெரிவிக்கின்றன. இக்குறிப்பில், வாழ்வின் முக்கியமான தீர்மானங்களை எடுக்க முன், குடும்பங்களின் ஆதரவும், சமூக வலுவும் அவசியம்.