இன்று (17) காலை 10.30 மணிக்கு ஜனாதிபதி அநுரகுமார திசாநாயக்க சுதந்திர இலங்கையின் 79 ஆவது வரவு செலவுத் திட்டத்தை பாராளுமன்றத்தில் முன்வைக்கவுள்ளார். இதில் நாட்டின் அடுத்த கட்ட அபிவிருத்தி இலக்குகளை நிறைவேற்றும் வகையிலான முன்மொழிவுகள் மற்றும் பொருளாதார நடவடிக்கைகளில் அனைத்து தரப்பினர்களையும் இணைத்துக் கொள்ளும் திட்டங்கள் உள்ளடக்கப்பட்டுள்ளன.
இம்முறை வரவு செலவுத் திட்டத்தில், அரசு செலவினங்களாக 2025 ஆம் ஆண்டுக்கான 4,218 பில்லியன் ரூபாய் மதிப்பிடப்பட்டுள்ளது. கடந்த ஆண்டு, 2024 ஆம் ஆண்டில் 6,978 பில்லியன் ரூபாய் ஒதுக்கப்பட்டிருந்த நிலையில், இந்த ஆண்டு செலவு 2,760 பில்லியனாக குறைக்கப்பட்டுள்ளது.
இந்த திட்டத்தில், கல்வி, சுகாதாரம் மற்றும் நலன் போன்ற துறைகளுக்கு அதிக நிதி ஒதுக்கப்பட்டுள்ளதுடன், அரசு மற்றும் தனியார் துறை ஊழியர்களின் சம்பளம் அதிகரிக்கப்பட உள்ளது. மேலும், நாடு முழுவதும் பல்துறைகளுக்கான திட்டங்களை முன்னெடுக்கவும் வைக்கப்பட்டுள்ளது.
வரவு செலவுத் திட்டத்தின் இரண்டாம் வாசிப்பு, நாளை (செவ்வாய்க்கிழமை) முதல் 25 ஆம் திகதி வரை நடைபெறும், அதன் பிறகு குழுநிலை விவாதம் 27 ஆம் திகதி தொடங்கி மார்ச் 21 ஆம் திகதிவரை நடைபெறும்.
இதன் பின்னர், மார்ச் 21 ஆம் திகதியில், வரவு செலவுத் திட்டத்திற்கு வாக்கெடுப்பு நடத்தப்படும்.
