சுவிட்சர்லாந்தில் நடைபெறும் 56ஆவது உலக பொருளாதார மன்றத்தின் வருடாந்த கூட்டத்தில் கலந்து கொள்வதற்காக பிரதமர் இன்று (19) காலை நாட்டிலிருந்து புறப்பட்டுள்ளார்.
2026 ஆம் ஆண்டுக்கான உலக பொருளாதார மன்ற வருடாந்த கூட்டம், இன்று (19) முதல் 23 ஆம் திகதி வரை சுவிட்சர்லாந்தின் டாவோஸ்–க்ளோஸ்டர்ஸ் நகரில் நடைபெற உள்ளது. “உரையாடலின் உணர்வு” என்ற கருப்பொருளின் கீழ் நடைபெறும் இந்த மாநாட்டில், அரச தலைவர்கள், முன்னணி பன்னாட்டு நிறுவனங்களின் தலைமை நிர்வாக அதிகாரிகள், கொள்கை வகுப்பாளர்கள் மற்றும் தொழில்நுட்ப நிபுணர்கள் உட்பட 3,000க்கும் மேற்பட்ட உலகத் தலைவர்கள் பங்கேற்க உள்ளனர்.
இந்த பயணத்தின் போது, பிரதமருக்கும் சர்வதேச தலைவர்கள், உலகளாவிய நிறுவனங்களின் பிரதிநிதிகள் மற்றும் சிறப்பு விருந்தினர்களுக்கும் இடையில் உயர்மட்ட இருதரப்பு கலந்துரையாடல்கள் நடைபெறவுள்ளன.