இன்று (20) வடக்கு மாகாண வேலையற்ற பட்டதாரிகள் ஒன்றியத்தின் ஏற்பாட்டில் யாழ்ப்பாணத்தில் கவனயீர்ப்பு போராட்டம் முன்னெடுக்கப்பட்டுள்ளது.
இந்த போராட்டம், வேலையற்ற பட்டதாரிகளுக்கு அரச நியமனங்களை வழங்க வலியுறுத்தி நடைபெறுகிறது. போராட்டத்தில், வடக்கு மாகாணம் முழுவதிலிருந்த பல்வேறு வேலையற்ற பட்டதாரிகள் பங்கேற்றுள்ளனர்.
காலை மணி 7.00க்கு, யாழ்ப்பாணம் வீரசிங்கம் மண்டபத்திற்கு முன்னால் உள்ள உலக தமிழாராட்சி மாநாட்டு படுகொலை நினைவு தூபிக்கு முன்பாக இப்போராட்டம் துவக்கமானது. பின்னர், போராட்டக்காரர்கள் யாழ் மத்திய பேருந்து நிலையம் வழியாக பேரணியாக வடக்கு மாகாண ஆளுநர் செயலகம் நோக்கி பேரணி செய்தனர்.
அங்கு, அவர்கள் பல்வேறு கோஷங்கள் எழுப்பி போராட்டத்தில் ஈடுபட்டுள்ளனர்.
இதன்போது, வடக்கு மாகாண ஆளுநர் செயலக வளாகங்களில் ஏராளமான பொலிஸார் குவிக்கப்பட்டுள்ளதாகவும் அங்கிருந்து கிடைக்கும் செய்திகள் தெரிவிக்கின்றன.
