வடக்கு மற்றும் கிழக்கில் தமிழ் மக்களின் உரிமைக்காகப் போராடி கைது செய்யப்பட்டவர்களை அரசியல் கைதிகளாக கணிக்க முடியாது என தேசிய மக்கள் சக்தியின் நீதி அமைச்சர் தெரிவிப்பது, முழுக்க முழுக்க இனவாதத்தின் அடிப்படையிலான செயலாகும் என்று நாடாளுமன்ற உறுப்பினர் கஜேந்திரகுமார் பொன்னம்பலம் கூறினார்.
நடந்த ஊடக சந்திப்பின் போது, அவர் மேலும் கூறியதாவது:
“கடந்த வாரம் தமிழ் அரசியல் கைதிகளின் விடுதலைக்காக முன்வைக்கப்பட்ட கையெழுத்து போராட்டம் வெற்றிகரமாக நடந்துள்ளது. அதில் முன்னாள் கைதிகள், சிவில் சமூகத்தினர், மற்றும் அரசியல் கட்சிகளின் ஆதரவுடன் கையொப்பம் பெறப்பட்டது. தமிழ் மக்களின் உரிமைப் போராட்டம் பயங்கரவாதத் தடுப்புச் சட்டத்தின் கீழ் பலர் கைது செய்யப்பட்டதை நாம் உணர்கிறோம். இந்த சட்டம் அரசாங்கத்தினால் ஒரு சட்டவிரோதமான, கொடூரமான ஆவணமாக ஏற்றுக்கொள்ளப்பட்டுள்ளது, மேலும் இது சர்வதேச அளவில் ஐ.நா. பேரவையில் பதிவு செய்யப்பட்டிருக்கின்றது.”
“இந்த பயங்கரவாதத் தடைச் சட்டம் ஜனநாயகத்துக்கும், சட்டத்தின் ஆட்சி முறைக்கும் எதிரானது. அதனை நீக்கி சர்வதேச சட்டத்திற்கு ஏற்ப புதிய சட்டம் வர வேண்டும் எனவும், அல்லது தற்போதைய சட்டத்தை மாற்றி சர்வதேச நியமங்களுடன் இணக்கமாக்க வேண்டும் என்றும் வலியுறுத்தப்படுகின்றது.”
இதைத் தொடர்ந்துஅவர் கூறுகையில், நீதி அமைச்சரான ஹர்ஷன நாணயக்காரின் பேச்சை கண்டித்தார், “அவர் கூறியதாவது அரசியல் கைதிகள் என்று யாரும் இல்லை என்பதே தவறானது. அது ஒரு அரசியல் பின்னணி காரணமாகவே உள்ளது” என்றும் கூறினார்.
அவரது பார்வையில், “இந்த பிரச்சினை ஆரம்பத்தில் தேர்தல் பரப்புரைக்கு வந்த போது, அநுரகுமார திஸாநாயக்கர் வடக்கு, கிழக்கில் உள்ள அரசியல் கைதிகள் விடுவிக்கப்படுவார்கள் என்று சொன்னார். ஆனால் தற்போது அதிலிருந்து பின்வாங்கி, அதே நிலையை நீதி அமைச்சர் எடுக்கின்றார். இது அரசியல் காரணமாகவே இருக்க வேண்டும்.”
அவர் மேலும், “தேசிய மக்கள் சக்தி மற்றும் ஜே.வி.பி. அமைப்பினர் இந்தக் குறைந்தபட்ச பயங்கரவாதத் தடைச் சட்டத்தின் கீழ் கைது செய்யப்பட்டவர்கள். அவர்களும் அரசியல் கைதிகளாகவே இருந்தனர். தற்போது அந்தக் கட்டளையை மீறி, பின்வாங்கி கருத்து தெரிவிப்பது தமிழ் மக்களுக்கு ஒரு பெரும் ஏமாற்றமாகும்” என்று கூறினார்.
“இந்த நிலை எதுவாக இருந்தாலும், வடக்கு, கிழக்கில் தமிழ் மக்களின் உரிமைக்காகப் போராடி கைது செய்யப்பட்டவர்களை அரசியல் கைதிகளாக கவனிக்க மறுத்து அதற்கான காரணமாக இனம் அடிப்படையில் ஆகும்” என்று அவர் கூறினார்.