மியான்மார் நாட்டு அகதிகளை ஏற்றிக் கொண்டு இலங்கை வந்த படகில் பயணம் செய்த 12 மியன்மார் பிரஜைகளை, இந்த மாதம் 31ம் தேதி வரை விளக்கமறியலில் வைக்குமாறு திருகோணமலை நீதவான் நீதிமன்ற பதில் கடமை நீதிபதி அப்துல் சலாம் சாஹிர் உத்தரவிட்டுள்ளார்.
மியன்மார் நாட்டின் 114 அகதிகள், திருகோணமலை துறைமுகத்தில் நேற்று (20) முன்னிலையில் ஆஜர்படுத்தப்பட்டபோது, நீதவான் இவ்வாறு உத்தரவு பிறப்பித்தார்.
மேலும், மருத்துவ பரிசோதனைக்கு பிறகு, இந்த அகதிகள் திருகோணமலை துறைமுக பொலிஸாரின் முன்னிலையில் நீதிமன்றத்திற்கு ஆஜர்படுத்தப்பட்டனர்.
அதே நேரத்தில், படகில் வந்த 102 மியன்மார் நாட்டுப் பிரஜைகளும் கொழும்பு மிரிஹானா தடுப்பு முகாமுக்கு அனுப்பப்படுமாறு நீதவான் உத்தரவிட்டார். இதனிடையே, திருகோணமலை ஜமாலியா முஸ்லிம் மகா வித்தியாலயத்தில் தங்க வைக்கப்பட்டவர்களை இன்று (21) இலங்கை போக்குவரத்து சபையின் இரு பஸ்களில் மிரிஹானா தடுப்பு முகாமுக்கு அழைத்து சென்றதாக தெரிவிக்கப்படுகிறது.
இந்த 114 அகதிகள், முல்லைத்தீவு – முள்ளிவாய்க்கால் மேற்கு கடற்கரையில் கரையொதுங்கிய படகில் இருந்ததாகவும், அவர்கள் 20ம் தேதி அதிகாலை திருகோணமலை துறைமுகத்திற்கு கொண்டு வரப்பட்டதாகவும் தகவல்கள் கூறுகின்றன.
இந்த படகில் 26 சிறுவர்கள், 22 சிறுமிகள், 39 ஆண்கள் மற்றும் 27 பெண்கள் அடங்கியிருந்தனர். அதே நேரத்தில், இந்த படகில் இருந்த 6 பேர் ஆழ்கடலில் உயிரிழந்ததாகவும், அவர்கள் சடலங்களை கடலிலே வீசியதாகவும் அகதிகள் துறைமுகப் பொலிஸாரிடம் தெரிவித்துள்ளதாகவும் குறிப்பிடப்பட்டுள்ளது.
